Էրեկ երեկոյան ցանկանալով տեղեկանալ նոր աշխատատեղերի մասին, այցելեցի HR.am: Որոշ ժամանակ դեսուդեն էի անում, հետո հանկարծակի նկատեցի, որ կայքն ունի բլոգ ու մեծ հետաքրքրությամբ տեղափոխվեցի այդ էջը: Ինչպիսին էր զարմանքս, երբ տեսա, որ առաջին` հայերեն լեզվով հոդվածին հետևում են երկու ռուսերեն տեքստեր: Մի պահ փորձում էի հասկանալ տրամաբանությունը, բայց հետո ակնհայտ դարձավ, որ այն բացակայում է: Պարզապես, պետք էր ինչ-որ մեկին վարձատրել նրա համար, որ ռուսերեն հոդվածները թարգմանվեին հայերեն, ինչը, ցավոք, մեր հայկական իրականության մեջ շատ հազվադեպ է պատահում: Ես որոշեցի քոմենթ թողնել: Գրեցի մոտավորապես այս տեքստը:
«Ինչու՞ է հայալեզու կայքում հայտնվել ռուսերեն հոդված: Ինքս ռուսախոս եմ, վարում եմ բլոգ հա՛մ հայերեն, հա՛մ ռուսերեն լեզուներով, բայց չեմ հասկանում am հայկական դոմենում հրապարակվող ռուսերեն հոդվածների տրամաբանությունը: Ինչու՞ դրանք չեն թարգմանվում»:
Այսօր արթնացա ու մեծ ակնկալիքով մտա կայք:
Քոմենթս ջնջել էին: Իսկ հետո պարզվեց, որ մեյլիս նամակ են ուղարկել:
Ստորև կարող եք կարդալ:
Ստորև կարող եք կարդալ:
Հարգելի Աշխեն,
Կայքի "Բլոգ" բաժնում կարող են տեղ գտնել տարբեր լեզուներով նյութեր, որոնք համապատասխանում են կայքի բովանդակությանը: Այստեղ լեզուների սահմանափակում դրված չէ և յուրաքնաչյուր հոդվածի մեջ նշավծ է նյութի աղբյուրը: Այդ իսկ պատճառով թարգմանելու կարիք չկա:
Եվ քանի որ Ձեր կողմից տեցադրված մեկնաբանությունը չի վերաբերվում համապատասխան բաժնին, այլ իրենից ներկայացնում է տեխնիկական հարց, ապա մենք ստիպված ենք այն հեռացնել "Բլոգ" բաժնից:
Այլ հարցերի դեպքում կարող եք մեզ դիմել` գրելով info@hr.am էլ.հասցեին և մեր թիմը սիրով կպատասխանի Ձեր բոլոր հարցերին:
Հարգանքով` HR.AM Թիմ
No comments:
Post a Comment